ਪੈਨਸ਼ਨ ਸਕੀਮ
ਪੇਂਡੂ ਸ਼ਹਿਰੀ ਲੋਕ ਭਲਾਈ ਚੈਰੀਟੇਬਲ ਟਰੱਸਟ (ਰਜਿਸਟਰਡ) ਵੱਲੋਂ ਚਲਾਈ ਜਾ ਰਹੀ ਇਹ ਪੈਨਸ਼ਨ ਸਕੀਮ ਉਹਨਾਂ ਲਾਭਪਾਤਰੀਆਂ ਲਈ ਹੈ ਜੋ ਨਿਰਧਾਰਤ ਸ਼ਰਤਾਂ 'ਤੇ ਪੂਰੇ ਉਤਰਦੇ ਹਨ। ਟਰੱਸਟ ਵੱਲੋਂ 60 ਸਾਲ ਦੀ ਉਮਰ ਪੂਰੀ ਕਰ ਚੁੱਕੇ ਅਤੇ ਘੱਟੋ-ਘੱਟ 3 ਸਾਲ ਦੀ ਮੈਂਬਰਸ਼ਿਪ ਰੱਖਣ ਵਾਲੇ ਲਾਭਪਾਤਰੀਆਂ ਨੂੰ ₹2,000 ਪ੍ਰਤੀ ਮਹੀਨਾ ਪੈਨਸ਼ਨ ਦਿੱਤੀ ਜਾਂਦੀ ਹੈ।
- 60 ਸਾਲ ਦੀ ਉਮਰ ਅਤੇ 3 ਸਾਲ ਦੀ ਲਗਾਤਾਰ ਮੈਂਬਰਸ਼ਿਪ ਨਾਲ ₹2,000 ਮਹੀਨਾਵਾਰ ਪੈਨਸ਼ਨ।
- 1 ਸਾਲ ਦੀ ਮੈਂਬਰਸ਼ਿਪ ਤੋਂ ਬਾਅਦ ਪੂਰੀ ਅਪਾਹਜਤਾ ਦੀ ਸਥਿਤੀ ਵਿੱਚ ਵੀ ਪੈਨਸ਼ਨ ਮਿਲੇਗੀ।
- ਮੌਤ ਦੀ ਸਥਿਤੀ ਵਿੱਚ, ਜੀਵਤ ਪਤਨੀ ਜਾਂ ਪਤੀ ਨੂੰ ਅੱਧੀ ਰਕਮ ਫੈਮਲੀ ਪੈਨਸ਼ਨ ਵਜੋਂ ਮਿਲੇਗੀ।
- ਜੇਕਰ ਦੋਵੇਂ ਜੀਵਨ ਸਾਥੀ ਲਾਭਪਾਤਰੀ ਹਨ, ਤਾਂ ਕੇਵਲ ਇਕ ਨੂੰ ਹੀ ਫੈਮਲੀ ਪੈਨਸ਼ਨ ਮਿਲੇਗੀ।
- ਜੇਕਰ ਜੀਵਤ ਜੀਵਨ ਸਾਥੀ ਖੁਦ ਪੈਨਸ਼ਨਰ ਬਣ ਜਾਂਦਾ ਹੈ, ਤਾਂ ਫੈਮਲੀ ਪੈਨਸ਼ਨ ਬੰਦ ਹੋ ਜਾਵੇਗੀ।
- ਪੈਨਸ਼ਨ ਦੀ ਅਦਾਇਗੀ ਤਿਮਾਹੀ ਆਧਾਰ 'ਤੇ ਕੀਤੀ ਜਾਂਦੀ ਹੈ।
- ਲਾਭਪਾਤਰੀ ਨੂੰ ਹਰ ਸਾਲ ਜਨਵਰੀ ਵਿੱਚ ਜੀਵਤ ਹੋਣ ਦਾ ਸਰਟੀਫਿਕੇਟ ਪੇਸ਼ ਕਰਨਾ ਲਾਜ਼ਮੀ ਹੈ।
- ਪੈਨਸ਼ਨ ਨਾ ਮਿਲਣ ਜਾਂ ਕਿਸੇ ਵੀ ਤਕਲੀਫ ਦੀ ਸੂਰਤ ਵਿੱਚ ਸ਼ਿਕਾਇਤ ਟਰੱਸਟ ਕੋਲ ਦਰਜ ਕਰਵਾਈ ਜਾ ਸਕਦੀ ਹੈ।
- ਸਕੀਮ ਦੀ ਲਾਗੂ ਮਿਤੀ: 03.02.2014
- ਜਿਹੜਿਆਂ ਦੀ ਮੌਤ 03.02.2014 ਤੋਂ ਪਹਿਲਾਂ ਹੋਈ, ਉਨ੍ਹਾਂ ਦੇ ਪਰਿਵਾਰ ਨੂੰ ਵੀ ਫੈਮਲੀ ਪੈਨਸ਼ਨ ਮਿਲ ਸਕਦੀ ਹੈ।